Über üs
Mir sind es jungs Paar, wo zäme de mutige Schritt i’s Ungwüsse waged. Öisi Wäg händ sich a öisem gmeinsame Arbeitsort gchrüzt. Bsunders verbindet üs de Wunsch, über üs sälber usezwachse und noii Useforderige mit Neugier und Tatkraft azpacke.
So isch «Ronkies» entstande – üses gemeinsame Herzbluetprojekt und d Afang vomene noie Kapitel. Mit vill Liebi zum Detail, Kreativität und em Mut, neui Wäg z’gah, wänd mir oisi Vision Würklichkeit wärde lah.
Ronja
- Produktionsleitung
- eisfee@ronkies.ch
D’Ronja isch im Rafzerfeld ufgwachse. Nach em Gymi in Züri hät si ihre Wäg a d’ETH Zürich gfüehrt, wo si Lebensmittelwissenschaftä studiert hät. Während em Studium hät si i verschiedenä Jobs wertvolli Praxiserfahrige gsammlet und so ihri Lideschaft mit villfältige Iblick i d’Berufswält chönne verbinde.
Im Februar 2023 hät d’Ronja ihre Master erfolgrich abgschlosse. Nach eme inspirierende gemeinsame Usslandsjahr isch si i ihri bruflichi Laufbahn gstartet und het als Produktionsbereichsleiterin imene Lebensmittelbetrieb gschaffed.
Tom
- Produktionsleitung
- eiself@ronkies.ch
De Tom isch im Tösstal ufgwachse und hät scho früeh sini Begeisterig für d’Wält vo de Gastfründschaft entdeckt. Nach ere Usbildig i de Hotelbranche hät er d’Hotelfachschuel Belvoirpark i Züri bsuecht, wo er sis Fachwüsse vertüft und sini Lideschaft für d’Hotellerie no meh het chönne usbaue.
Im Aschluss hät de Tom wertvolli Beruefserfahrig binere etablierte Schwiizer Hotelchette gsammlet und so Iblick i unterschiedlichi Bereich vo dere Branche übercho. Paralell dezue hät er sich für es berufsbegleitends Studium i Hospitality & Eventmanagement entschide, wo er im Oktober 2022 de Bachelor erfolgrich abgschlosse hät.
Nach em gmeinsame Usslandsjahr hät sich de Tom noi orientiert und isch i d’Parahotellerie igstiege. Det isch er hüt im Sales tätig.